Instagramek bere identitatea berreskuratu du
BlogKomunikazioa

Instagramek bere identitatea berreskuratu du

Metaren sare soziala bere jatorrira itzultzen saiatuko da, aldaketa batzuen ondorioz.

2024ko martxoaren 12a2 min irakurtzekoBelvedere taldea
Irristatu irakurtzeko
Muestra un teléfono móvil con la identidad y logotipo de la red social Instagram

Metaren sare soziala bere jatorrira itzultzen saiatuko da, aldaketa batzuen ondorioz.

Instagram aspalditik ari da etengabe aldaketak egiten; batzuk zentzuzkoak, eta beste batzuk porrot erabatekoak. Baina ez gatoz egin dutena kontatzera: gaur Metaren aplikazioak bere identitatea berreskuratzen saiatzeko proposatzen dituen aldaketa berriak dakarzkizuegu.

Edukia sortzeko botoia itzuli da

Izan ere, esan ohi da jatorrira, hasierara, itzultzea guztiok gure bizitzan egin beharko genukeen zerbait dela. Badirudi sare sozial honen arduradunek esaldia nonbait entzun dutela eta edukia sortzeko ikono ospetsua etorri zaiela burura.

Betidanik Instan ibili direnek badakite zertaz ari garen. Seguruenik inoiz desagertu behar ez zuen ikonoa, edozein eduki mota sortzeko genuen lasterbiderik errazena eta funtzionalena baitzen.

Beraz, egun gutxi barru, hobe duzue beheko lasterbide-barrari erreparatzea eta zuek zeuen begiz egiaztatzea baietz, itzuli dela; espero dezagun oraingoan geratzeko izatea.

Baina, noski, ate bat irekitzen denean, beste batzuk ixten dira. Eta Instagramek ikono hau gehitzen badu, ia ziur beste elementu batzuk sakrifikatuko dituela, edo, gutxienez, ez dutela leku berak hartzen jarraituko.

Agur, ezagutzen genuen Instagrameko dendari

Badirudi dendaren ikonoak agur esango digula denbora batez; jada ez dugu pantaila nagusiko beheko barratxoan ikusiko. Baina inor ez dadila izutu: plataforma honetako dendetan erosten eta saltzen jarraitu ahal izango da orain arte bezala. Hala ere, honek ez du hemen amaitzen. Bibliak esaten zuen Jesus Aitaren eskuinaldean esertzen zela. Beraz, bideo horien sorrera eta kontsumoa bultzatzeko onena «reels»-en ikonoa lekuz aldatzea izango zela pentsatu dute: orain, hainbeste desiratutako edukia sortzeko ikonoaren eskuinaldera pasatuko da.

Eta bai, badakigu nahiko aldaketa garrantzitsuak ekarri dizkizuegula, baina oraindik ezin dugu hemen utzi. Beraz, mesedez, inor ez dadila zorabiatu, Instagramek otsail honetan sartuko duen azken aldaketarekin goaz.

Instagramek postureoa utziko al du?

Metaren aplikazioak azken hilabeteetan BeRealek izan duen «boom»-ari ere erreparatu dio. Agian ideia eta kontzeptu berri honek zerbait berria piztu du sare sozialetan hain aktiboak diren pertsonengan. Eta, jakina, Instagramek ez du atzean geratu nahi, eta lehia honetan buru-belarri sartuko da elementu berritzaile batzuen bidez.

«Oharrak» eta «Ustekabekoak» iritsiko dira Instagramera, eguneko edozein ordutan uneak partekatzeko modalitate honetan BeRealek duen nagusitasunarekin amaitzen saiatzeko.

«Oharrak»-ek edozein gairi buruzko testu-zati txiki bat idazteko aukera emango die pertsonei, jarraitzaileekin 24 orduz partekatzeko.

«Ustekabekoak», berriz, funtsean BeRealen kopia bat da. Eguneko une jakin batean «story» bat igotzea, eta norbaitek ikusi ahal izateko zuk egindako gauza bera egin behar du.

Artikuluaren hasieran Instagramek bere «jatorrira» itzuli nahi zuela bazirudien ere, ikusi genituen lehen aldaketekin, uste dut BeReal hain modu lotsagabean kopiatzen saiatuko direla ikusi ondoren, zeuden lekuan geratuko direla. Ez urrats bat aurrera, ez urrats bat atzera.

Gehiegi besarkatzen duenak gutxi estutzen du, baina, hala ere, otsailera arte itxaron beharko da aldaketa hauek betetzen diren ikusteko eta publikoaren artean nolako harrera duten aztertzeko.

Bisitatu Instagram

Amaiera

Egilea

Belvedereko taldea

Marketin eta komunikazio agentzia Bilbon. Markak zintzotasunez egiten ikasten duguna kontatzen dugu. Ezagutu taldea →

Hurrengo artikulua«Sareetan egoteak» ez du EZER esan nahi